NÒT POU LAPRÈS, FONDASYON ARISTIDE

Se avèk anpil tristès nap viv Katastwòf sa a ki ravaje peyi Dayiti.
Evènman trajik sa a frape tout moun. Anpil nan nou pèdi lavi yo.
Katastwòf natirèl san parèy sa a fè anpil domaj sou wout li, gwo domaj.
Anpil Depatman nan peyi ya pran gwo frap. Men Depatman Lwès, se vant mare, dlo nan zye.

Fondasyon Aristide koube l byen ba pou salye memwa moun ki mouri yo.
Fondasyon an mande viktim yo pran kouraj, sitiyasyon an pa fasil men kenbe la.
Tout kolaboratè pwòch Enstitisyon an pran angajman depi jou katastwòf la pou pote konkou yo bay mas pèp la ki nan gwo difikilte.
Peyi ya bezwen tout ayisyen san distenksyon. Se pou n depase tou diferans youn ka genyen ak lòt pou n pote kole nan yon gwo chenn solidarite ak pataj pou tout viktim yo.

Men tou, Fondasyon ARISTIDE pwofite di tout zanmi an Ayiti tankou aletranje ki enterese pran inisyativ mande Èd nan non Fondasyon an pou kontakte dirijan yo paske sa dwe fèt nan lòd ak disiplin pou eskanp figi enstitisyon an ka toujou rete entak.

Men 4 Telefòn referans nou voye pou moun ki enterese bay Èd MATERYÈL AK MEDIKAMAN ka rele nan lespri pou n endike yo nan Eta (State) y ap viv la men ki moun yo dwe rele : (954) 242- 0085 / (305) 305 7571 / (305) 851 5475 / An Ayiti (509) 3491 4465

Lè sa a moun yo pale ya ap di yo ki kote pou yo voye Èd Materyèl la ak Èd an Medikaman pou Fondasyon Aristide.

Fondasyon Aristide ansanm ak yon gwoup Medsen etranje akonpaye pa Jèn Medsen Ayisyen kite etidye nan Kiba ap enstale yon lopital mobil anndan Kanpus inivèsite Fondasyon aristide pou bay swen ak blese grav yo epi tout lòt moun ki an difikilte nan sikonstans lan.

Nan Rezidans Pwofesè ak etidyan Inivesite Fondasyon an genyen plis pase 4 Mil viktim ki pran refij. N ap mande tout moun oubyen lòt Enstitisyon ki kapab ede pou pote kole avèk nou pou n ka bay yon bon ankadreman ak 4,000 gwoup viktim sa yo.

Travay pou pote soutyen ak viktim yo anpil, sa mande anpil bra. Ayisyen toupatou ann pote kole.

Pou Fondasyon Aristide : Toussaint Hilaire / Direktè. 18 Janvye 2010


"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209

NOTE DE CONDOLÉANCES

Le Comité Fanmi Lavalas des Haïtiens d’outre-mer a appris avec tristesse la disparition tragique des proches du compatriote Jacob François au cours des évènements tragiques du 12 Janvier 2010 qui ont secoué notre chère patrie Haïti.

Devant ce douloureux drame qui frappe vous et votre famille, le Comité vous prie de recevoir ses très sincères condoléances et l’expression de sa profonde sympathie.

Le comité vous assure de son indéfectible soutien et espère que vous trouverez la force et le réconfort nécessaires en cette pénible circonstance.


Le Comité





"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209

YOUR HELP IS URGENTLY NEEDED

The Committee Fanmi Lavalas of Haitians Living Abroad (CFLHO) have had a group of doctors ready to go to Haiti in order to assist the victims of the earthquake. We have worked out the logistics and the following supplies are needed in order to offer effective help to those in need. Once again, since Thursday Fondation Aristide Pour La Démocratie have been providing much needed help to those in need in Haiti and it is our turn to provide the supplies to sustain the work started.

We have at our disposal a warehouse located on 3989 Pembroke Road, Hollywood, FL 33023 Feel free to stop by and drop the needed supplies or by calling Maybeline Dugue at 305-777-2020

We want to emphasize that these medical supplies are of utmost need and will allow us to provide current and subsequent help to those in need.

• Nutrition bars (individual or in packages)
• Blankets and sheets (unopened in store wrapping)
• Non-battery radios and flashlights (windup or solar)
• Candles (loose or in packages)
• Clothes
• Infant formula
• Diapers for infants, kids, adults
• Feminine pads
• Q-tips
Toothbrush and toothpaste

ALL KINDS OF MEDICAL SUPPLIES
• Masks
• Gauze
• Adhesive tapes
• Bandages (all types, all sizes)
• Gloves (surgical and disposable)
• Cotton balls
• Iodine
• Alcohol
• Alcohol wipes
• Urinary bags
• Saline Solution
• Nebulizers, inhalers
• Scissors
• Blood pressure kits
• Thermometers
• Tongue depressors
• Calamine solution
• H2O2
• Antibiotic Ointment
• AINES (Aspirin, Motrin...)
• Acetaminophen (Tylenol)
• Zyrtec
• Pepto Bismol
• Pain Reliever
• While the blankets are for people sleeping outdoors and on the street, the sheets are for wrapping bodies of the dead


Make a tax deductible contribution for earthquake relief at

www.project2000international.org






"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209

LETA DWE FÈ KOWÒDINASYON ANT TOUT MOUN KAP POTE SIPÒ A PEYI D AYITI, LETA DWE AN ETA DALÈT, PANDAN TOUT POPILASYON KI PA VIKTIM YO DWE POTE KOLE.

FONDASYON ARISTID POU DEMOKRASY DEPI JEDI OUVÈ BYEN GRAN AK DOKTÈ LADANN POU BAY SWEN AK POPILASYON AN

PEYI YA BEZWEN YON PLAN DIJANS, YON ENSTITISYON POU KOWÒDONE TOUT AKSYON KAP FÈT

Lè nap gade KATASTWÒF SA A.

Lèn konsidere jan pèp ayisyen yan andezawa.

Lèn konsidere jan tèt tout moun cho,

Lèn konsidere fòk tout ayisyen tout klas, tout koulè, jèn, granmoun, fanm tankou gason fèt pou kole zepol pou rebati ayiti.

Lèn konsidere gen moun ki dispoze ede, men yo pa konnen ki moun pou yo kontakte.

Lèn nap konstate sa kap pase nan televizyon, nan lari pòtoprens,

Lè nap tande nouvel nan radyo sou jan bagay yo ap pase.

Apre tout konsiderasyon sa yo nou menm nan CFLHO ap bay konsèy sa yo ki ka konsidere tankou yon ti patisipasyon nan sitiyason malouk sa a.

Fòk responsab yo etabli yon katye general an ijans pou kowòdone tout dispozisyon kap pran ak èd kap rive nan peyi ya.

Fòk responsab chak pouvwa ( ekzekitif, jidisyè, lejislatif) yo ki pa viktim yo, siye dlo nan je yo, chache yon abri pwovizwa pou yo kontinye fonksyone.

Fòk manm kolektivite teritoryal ak lòt responsab nan rès peyi ya mobilize fòs ak resous yo genyen pou pote kole nan kapital la ak tout lòt kote ki afekte.

Fòk tout patikilye nan yon domèn ou yon lòt kanpe epi òganize yo pa ekip pou yo patisipe nan:

ranmase kadav – (mòg prive yo, menm kan se nan lòt depatman peyi ya)
Dekonbre moun ki kwense anba dekonb yo ( konpayi konstriksyon yo dwe mete tout zouti yo disponib pou sèvi pèp la)

Pran swen moun ki nan bezwen ( tout lopital nan tout peyi ya ka vin pran enpe blese pou dekonjesyone capital la, fòk elikoptè yo transpòte nan tout lòt sant ospitalye yo moun ki blese yo, pou yo jwenn swen rapid)

Fòk responsab yo fè envantè kèk abri pwovizwa pou akeyi blese dabò e answit moun ki pa gen kay pou yo rete answit.

Epi lanse yon apèl pou moun ki vle bay kay yo ou kèk depo ou byen gran lokal ki pa kraze epi ki solid pou abrite moun.

Fòk ONG yo ki ka bay manje, òganize kantin popilè pou distribye manje kwit cho.

Chak gwoup sa yo nan diferan depatman ta dwe ap fè yon aksyon.

Fòk ta gen yon distribisyon klè ki fèt nan tout zòn ki afekte yo.

Responsab yo ta dwe fè yon demand a peyi zanmi yo pou bay ayisyen ki nan dyaspora a papye, pou yo gen chans ki ka pèmèt yo al wè fanmi yo epi antere kadav yo si yo genyen.

Mande peyi vwazen yo pou ka resevwa kèk viktim ki merite swen medikal.
Tout òganizasyon ta dwe fè envantè resous ak materyel yo epi pou yo di prese prese ki bout yap kenbe.

Tout moun ki vle pote kole dwe chache yon domèn e fòme yon ekip pou yo travay avèk li

Tout gwoup oubyen òganizasyon dwe gen yon pwogram ak yon plan pou yo travay. Moun ki nan bezwen pou w ède dabò “ bale kay ou anvan wal pwòpte kay vwazen”

Òganizasyon ou gwoup kap mande èd yo dwe fè lis tout sa yap bezwen anvan yo mande èd la, fòk lis la a klè Epi fòk yo dirije demand yo a yon enstitisyon byen presi ( yo pa dwe jis lansel nan radyo ou televizyon san yo pa konnen bay ki moun yap dirije demand la,

Leta tou dwe fè konnen ki yès ki responsab e kouman pou moun kontakte yo.

Etabli lis la dapre priyorite ak ijans. Pa egzanp – materyèl pou dekole moun nou repere yo pandan yon gwoup ap chèche lòt yo pa wè – medikaman ak manje – lojman provizwa – materyèl pou netwayaj, swenyaj,

Fòk responsab yo etabli yon lis kontak lopital ki disponib e komonike l nan tout radyo yo,

Dirijan yo dwe gen yon gwoup moun kap travay sou yon plan pou rebati vil yo.

Mobilize sant, dispansè ak lopital ki pi pre kapital la. Fòk tout gouvènman an montre presans yo nan popilasyon an pou bagay yo pa dejenere.

Fòk moun dyaspora yo kap rantre konn ak ki yès yo dwe pale, Fòk tout volontè yo kowòdone kote yo prale, ki sa yo pral fè, e nan ki domèn yo pral travay avan menm yo deplase.

Fòk estasyon radyo kap fonksyone yo òganize emisyon yo pou kenbe moral popilasyon an. Yo dwe kontinye fè travay mobilizasyon pou ede tout moun konekte ak fanmi yo. Epi bay enfòmasyon ki nesesè sèlman pa gen tan pou voye monte youn sou lòt.

Leta dwe entèdi mache nwa pou peryòd difisil sa a pandan lap sibvansyone gaz la epi ede pèp la fonksyone .

Fòk tout ayisyen ki kapab yo dwe jwe wòl sitwayen yo nan sitiyasyon sa a.

Fòk moun ki gen konesans nan zafè premye swen, bay direksyon kòman pou moun nan piblik la sekoure pwòch yo.

Fòk chak sitwayen transfòme tèt yo an yon responsab nan fè sa ki jis e nesesè , anka de flagran deli chak sitwayen se yon polis.

yon sipèvizè pou ki verifye si tout bagay ap mache kòmsadwa,( aparèy leta ak sitwayen bòn volonte) Epi yon gwoup kap panse ak teknisyen pou deja kòmanse prepare plan pou rekonstwi peyi ya.

Pou n fini se le moman ou jamè pou Leta, Legliz,Vodouyizan, Lekòl, Etidyan ONG,
Òganizasyon, Pati Politik, Politisyen, Sosyete Sivil, Sitwayen plis peyi zanmi yo, montre tout bon vre sa yo vo nan peyi dAyiti an tèm klè san blòf.

Tout lòt moun ka ajoute lòt ide ki manke yo (men anpil chay pa lou.)





"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209

KONDOLEYANS, SON EKSELANS DOKTÈ JEAN BERTRAND ARISTIDE

Katastwòf san parèy sa a dechire kè nou tout.
Anpil soufrans konn fè Peyi nou an kriye san,
Men jodiya, sa pi rèd: katastwòf sa a san parèy.

Jan nou konstate l, se premye fwa nan listwa n,
Yon tranbleman tè frape n e souke n fò konsa.
Ak anpil lapenn nan kè n, nou koube n byen ba
Devan kadav tout Sè n ak Frè n ki pèdi lavi yo,
E nou vi n pataje kondoleyans ak tout paran yo.

Rèl viktim ki blese grav ou ki toujou ret bloke
Anba bilding ki tonbe yo pa sispann dechire kè n.
Ak espwa ya rive jwenn delivrans anvan lontan,
An nou kontinye lonje gwo chenn solidarite ya
Pou gen mwens dezolasyon, plis konsolasyon.

Soufrans youn nan nou, se soufrans nou tout.


Dr Jean-Bertrand Aristide
Pretoria, 13-1-10


"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209