NÒT POU LAPRÈS

RETOU A PI PRE TOUJOU AK TOUT SIPÒ ENTÈNASYONAL NOU GENYEN, SI NOU MOBILIZE

Yon lòt fwa ankò nou salye tout zanmi, kamarad nou yo, e nap pwofite anonse piblik la an general an patikilye manm, patizan ak senpatizan Fanmi Lavalas yo, ke gen yon rezolisyon ki soti nan gwo rankont ant 60 òganizasyon ak pati politik nan 40 peyi kite fèt nan vil Karacas nan jou kite 19 a 21 Novanm 2009.

Rezolisyon Karacas la ki se yon kontra ke Gouvènman Chavèz la pran ak tout delege ak peyi kite nan rankont la. Nan atik 6.3 ak 6.4, Kowalisyon an kondane koudeta 29 fevriye 2004 e yo di peyi yo ap akonpaye pèp Ayisyen an nan lit pou lidè inkontestab pèp la Doktè Jean Bertrand Aristide tounen nan peyi l pi vit ke posib.

Résolution de Caracas


Kòm Prezidan Aristid fè konnen nan yon nòt ki fenk soti ke lap tann ankò ke gouvènman Prezidan Preval la bay Lesepase ya pou l retounen nan peyi l.

Demande d'autorisation d'atterrissage du Président Aristide

Autre lien


Antadan Gouvenman Prezidan Chavez la ap travay sou posibilite yo, ke si Prezidan Aristid vle antre nan Venezuela, yo deja ap tann li.

Anplis de enfòmasyon sa a, Komite Fanmi Lavalas Ayisyen Kap Viv Lòtbò Dlo, mande tout moun pou yo pa sispann mobilize toutotan chèf la pa mete pye l sou tè dayiti, e menm lè li retounen fòk nou kontinye mobilize paske fòs putchis la rete byen djanm.

Se pou nou tout, kontinye mande ak mobilize Prezidan Preval pou lesepase li pa vle bay pou yon avyon soti Afrik Disid pou li ateri an Ayiti ak Prezidan Aristid.

Yon sèl nou fèb, ansanm nou fò, ansanm ansanm, nou se Lavalas.





"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
www.fanmilavalas.net
954-670-9209

VERTIERES

La Bataille de Vertières ne figure même pas comme une parenthèse dans l’histoire Napoléonienne raconté par les concitoyens de cet empereur français. Non pas parce que cette bataille ne fut pas importante à la France, car l’enjeu réel était le maintient d’une tête de pont qui pourrait aider la puissance coloniale française de l’époque à maintenir le contrôle des terres occupées et à coloniser toute la partie centrale du continent Nord Américain, cette vaste territoire qu’on appelait à l’époque, La Louisiane, et qui représentait presque le quart de l’actuel territoire Américain.

Le territoire de la Louisiane vendu aux Etats-Unis par la France pour la bagatelle somme de 15 millions de dollars (ou 60 millions de francs) comprenait en totalité quatorze états américains et deux provinces Canadiennes: La totalité des territoires des états d’Arkansas, Missouri, Iowa, Oklahoma, Kansas, Nebraska, une partie des terres du Minnesota situées à l’ouest du fleuve Mississippi, la majorité de North Dakota, presque tout le South Dakota, le nord-est du Nouveau Mexique, des portions des états de Montana, Wyoming, et Colorado à l’est de la division Continentale, et la Louisiane à l’ouest du Mississippi, y compris la Nouvelle Orléans. (Le sud de l’Oklahoma et la portion sud-est du Kansas et de la Louisiane était encore revendiqué par l’Espagne durant la période de cette vente.) En plus, cette transaction contenait de petites portions de terres qui deviendront par la suite, une partie des provinces Canadienne d’Alberta et de Saskatchewan. En tout, 23% du territoire actuel des Etats-Unis, soit, 2 millions, 147 mille kilomètres carrés (2.147.000 km2).

La foudre de guerre française que représentait Napoléon Bonaparte à l’époque, ne pouvait pas projeter une vision historique globale à long terme et a préféré succomber aux intérêts à court terme des avatars du Club Massiac, des réflexes raciaux négatifs et des mouvements mesquins de la petite politicaillerie internationale pour attaquer dans l’embryon les aspirations du visionnaire Toussaint Louverture, ingénier du même coup sa perte et l’évanouissement d’une empire française prospère.
Pourquoi la guerre de St Domingue ne figure-t-elle pas à coté de la campagne de Russie comme les deux pires erreurs de Napoléon Bonaparte ? Tout simplement parce que l’histoire de Napoléon est constamment raconté par des Français fanatiques qui n’admettraient jamais la myopie de leur empereur qui allait être battu militairement sur deux importants fronts : l’ile de St Domingue et la Russie. A St Domingue ils ont invoqué la fièvre Jaune et en Russie le froid.
Waterloo est la conséquence immédiate de l’inconséquence de Napoléon Bonaparte à St Domingue. Non seulement qu’il ait décidé d’envoyer ses troupes les mieux aguerries vers la défaite et la Mort à St Domingue, il a pareillement laissé toute la latitude aux Anglais qui en ont profité pour resserrer sur lui l’étau après la débâcle de Russie.
En 1803, la France demandait 60 millions de francs comme prix de vente de 2.147.000 km2 sans tirer même un coup de feu. En 1825, cette même France exigeait 150 millions de Francs pour 28.000 km2. Un tiers moins d’argent pour dix fois plus de terre, Quelle mathématique !

En histoire, les « si » ne sont pas de mise, mais pour une fois, si Napoléon avait accepté le principe des idéaux de 1789 pour abolir l’esclavage dans le monde et travailler avec Toussaint Louverture à cette fin; si la France avait accepté le principe de l’égalité des hommes et des races; si Napoléon avait accepté le principe des libres échanges; si Napoléon avait accepté de travailler avec Toussaint Louverture plutôt que de le combattre, que serait le monde d’aujourd’hui ? Probablement, Vertières n’aurait pas eu lieu, l’Amérique serait probablement aussi française que le Québec. N’aurait-on même pas une statue équestre d’un autre empereur sur la place des héros au Champs-de-Mars de Port-au-Prince ?

Mais la réalité est que Vertières a eu lieu et nous avons gagné cette bataille. Leclerc, le général en chef de l’armée expéditionnaire, et non des moindres, le beau-frère de Napoléon même, resta sur le terrain.
Les historiens français racontent que Leclerc, un homme au fort de sa jeunesse (dans la trentaine) succomba de la fièvre jaune. Cependant il est bruit qu’à coté des généraux Debelle et Devaux qui périrent à la Crête-à-Pierrot, le capitaine-général Leclerc, fut blessé au cours de cette bataille. Voilà pourquoi Rochambeau abandonnerait la bataille de la Ravine-à-Couleuvre qui se déroulait concomitamment pour se porter à la Crête-à-Pierrot. Ce serait aussi pourquoi la présence de Leclerc ne se manifestera dans aucune des batailles qui suivirent celle de la Crête-à-Pierrot jusqu’à ce qu’il périt de la suite de ses blessures. Dès la Crête-à-Pierrot, le féroce général français Rochambeau avait effectivement remplacé Leclerc à la tête de l’armée française qui poursuivit la guerre de St Domingue.

"L’esprit féroce et sanguinaire de Rochambeau était trop pour le cœur tendre de Toussaint, ou les manières nobles de Christophe. Seulement Dessalines était à la hauteur de Rochambeau." (Wells Brown p. 111) .Ce qui nous conduisit tout droit à l’érection glorieuse du monument historique que représente la victoire de Vertières pour le monde civilisé.

La bataille de Vertières représente pour nous haïtiens, une épopée glorieuse qui restera à jamais gravée dans les annales de notre histoire nationale. Sa célébration est pour nous une opportunité de nous remémorer de la lutte héroïque menée par nos ancêtres pour l'indépendance, la défense des valeurs sacrées du pays et la préservation de l'identité de notre nation.

La commémoration de la bataille de Vertières est un moment pour tirer les enseignements de l'histoire de la lutte pour l'indépendance et renforcer la volonté et l'adhésion des générations actuelles et montantes au processus d'édification d'une Haïti unifiée, moderne, démocratique et prospère.

Le Comité Fanmi Lavalas des Haïtiens d’Outre-mer profite de cette occasion pour rendre un vibrant hommage aux héros de Vertières pour leurs sacrifices et actions héroïques pour le recouvrement de l'indépendance de notre nation.
"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
info@fanmilavalas.net
http://www.fanmilavalas.net/

NÒT POU LAPRÈS

Madi 17 novanb 2009

Komite Fanmi Lavalas Ayisyen Kap Viv Lòt Bò Dlo (CFLHO) retire chapo l byen ba poul salye tout konpatriyòt, patizan ak senpatizan òganizasyon Fanmi Lavalas yo. Komite ya ap anonse piblik la ke, nan kad travay mobilizasyon lap fè pou bay òganizasyon an jarèt atravè lemond antye. CFLHO te jwenn yon envitasyon pou al patisipe nan yon konferans entènasyonal nan Peyi Venezuela.

Yon delegasyon konpoze de Senatris Youseline Bell, Jacob François, Fritzner Pierre kap viv nan lakou nouyòk, ap pran vòl Mėkredi 18 novanb 2009, lap retounen dimanch pwochen kap 22 novanb.

Delegasyon an pral brase lide ak mande èd lòt peyi yo pou:

1-ede peyi ya prepare pou rechofman planèt la, ak dezas natirèl yo ki koze anpil lanmò nan peyi ya.
2-ede Lidė Karismatik la, Dr. Jn B Aristid, ak tout lòt ekzile politik yo retounen nan peyi yo.
3-Jwenn ankadreman pou viktim koudeta 2004 yo nan kad bilateral
4-ede Fanmi Lavalas goumen pou yon vrè demokrasi tabli nan peyi ya.
5-Ede nou konbat tout kalite eksklizyon.
6-Ede nou kontinye fè edikasyon sivik pèp la sou enpòtans pou konsève souverènte nasyon an.
7-Kontinye ede peyi ya sou wout devlopman, nan kad enėji, wout, kominikasyon, travay, ledikasyon elatrye.

Yon sèl nou fèb, ansanm nou fò, ansanm ansanm, nou se Lavalas.

http://www.fanmilavalas.net/

"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net

AJANDA POLITIK POU TOUT LAVALASYEN:DIRIJAN - MANB OUBYEN MOUN KI VLE KANDIDA NAN ÒGANIZASYON FANMI LAVALAS

TOUT LIDÈ LAVALAS DWE ANGAJE YO NAN FÈ RESPEKTE PWOGRAM POLITIK LAVALAS LA KI NAN LIV BLAN AN KI RELE "VIZYON POU SOSYETE YA" AK IDEYOLOJI FANMI YAN, SPESYALMAN SA ATIK 5 NAN CHAT FANMI LAVALAS LA DI.

Tout dirijan ak moun ki vle vin yon kandida sou banyè òganizasyon Fanmi Lavalas dwe gen yon konpòtman ki klè ke tout moun ka konprann. Kouwè jan atik 52 a 53 nan chat Fanmi Lavalas la deklare l e jan li ye nan liv blan.

Atik 52
Yon kandida se yon sitwayen ki:
a) Ap defann lajistis, lapè ak dwa moun;
b) Vle travay pou pòv yo chita bò tab devlòpman an;
c) Kwè nan eksperyans 16 desanm 1990 la;
d) Konbat diskriminasyon sosyal;
e) Ap travay tout bon pou fè yo konnen Fanmi Lavalas la epi pou fè Òganizasyon yan vanse;
f) Montre li bò kote Reprezantan nasyonal la ki li menm fèl konfyans;
g) Respekte desizyon yo pran nan Òganizasyon an.

Atik 53
Fòk kandida a montre:
a) Li se yon bon lidè nan Òganizasyon an ak nan zòn kote li ap reprezante ya;
b) Li se yon moun dwat;
c) Li kapab fè travay la;
d) Li kapab patisipe nan brase lide epi travay ansanm ak lòt moun.

Yon moun paka Lavalas si ou pa yon bon patriyòt, yon bon Lavalas se yon bon sitwayen. Yon moun paka di ke se Lavalas ou ye lè wap pale nan non yon lòt òganizasyon, Lavalas se Lavalas. Estrateji lòt non òganizasyon simen konfizyon nan kan pèp la. Fòk nou tout sonje ke Fanmi Lavalas se Fanmi Lavalas. Komite Fanmi Lavalas Ayisyen Kap Viv Lòtbò Dlo ap pwofite fè soti agenda ke li ta renmen tout dirijan ak tout moun ki di se lavalasyen yo ye e ki gen pou ta vin kandida yo dwe swiv. Nap toujou kapab ajoute sou pwen sa yo.
1-Travay pou mete yon inite total, oubyen jwenn yon konpwomi politik reyèl nan òganizasyon an. Obsève modòd trèv la pou jiskaske nou mete oganizasyon an djanm sou tout nivo.
2-Rete solidè ak ideyoloji Lavalas la toupatou, Nou pa bezwen chanje non ni al fè vye alyans pou 2 rezon : Zanmi w ap toujou avè w; lenmi yan pap janm fèw konfyans ankò. Modòdla se R.R= Rete Rèd nan Fanmi yan e pratike sa atik sa a di.

Atik 5
Òganizasyon sa a travay pou li:
a) pèmèt tout Ayisyen fè pwogrè nan kesyon politik, ekonomi, sosyete ak lakilti nan yon Leta ki chita sou lalwa;
b) fè tout Ayisyen rive gen menm chans;
c) fè yo devlope nan diyite ak respè dwa yo;
d) tabli yon politik ki ap bon pou tout sosyete ya;
e) ede manb li yo pase nan eleksyon pou kèlkeswa pòs la;
f) Kore pwogram manb Òganizasyon an te bati ya, fè yo konnen li tout kote epi fè yo swiv li.

3-Pou leta repare devan fondasyon an ak kay ansyen Prezidan Jean Bertrand Aristide la.
4-Mobilize pou retou a ka fèt pi vit, epi se pou gouvènman Prezidan Preval la ban nou dat retou wa, e li dwe fèt anvan Prezidan Preval ale.
5-Fè mobilizasyon an mache nan konvoke reyinyon san pran souf.
6-Reòganize ti fanmi yo, ak kreye plis ti fanmi nan tout kote
7-Mobilize pou yo lage prizonye politik nou yo,
8-Mobilize pou pèp la jwenn bon jan lekòl, manje, laswenyaj, bon jan enfrastrikti, wout ,limyè, dlo potab, epi travay.
9-Revandike dedomajman pou viktim koudeta 29 fevriye 2004 yo.
10-Mobilize pou Lavalas gen mo pal nan tout desizyon kap pran sou do peyi ya.
11-Mobilize pou manb òganizasyon yan eli nan eleksyon san magouy ki dwe fèt nan peyi ya.
12- Repekte konsèp ki etabli nan òganizasyon an pou ke fanm yo ka gen plas pa yo nan devlopman peyi ya, kòm li deja etabli trè klè nan atik 50 nan chat Fanmi Lavalas la:

Atik 50
Sou chak twa(3)kandida Òganizasyon Fanmi Lavalas nou dwe jwenn yon fi.


PAWÒL SA YO SE BON ANGRÈ KI POU BAY JARÈT AK LIT PÈP LA, NAN BATAY POU CHANJE LAVI SA KI PI PÒV YO.

YON LAVALASYEN SE YON PATRIYÒT. YON BON LAVALASYEN SE YON BON PATRIYÒT. LAVALAS SE LINYON FÈ LAFÒS.




"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net

Yon Sèl Reprezantan Nasyonal, Doktè Jean Bertrand Aristide: Yon Sèl Lavalas: Fanmi Lavalas

Komisyon Pèmanan Mobilizasyon Fanmi Lavalas
Deklarasyon Politik pou 3 novanm 2009 la.
Dat anivèsè Nesans Fanmi Lavalas

Nan lane 1996, yon gwoup moun, te konn rasanble souvan anba yon pye mango nan lakou lakay Prezidan Jean Bertrand Aristide nan Taba sou lidèchip li, pou reflechi ansanm sou ki mannyè pou yo monte yon estrikti politik ki dwe ale travay pou emansipasyon mas yo, entegrasyon sila yo ki pi pòv nan sosyete ya.
Desizyon sa a te voye gwoup moun sa yo ale gade 205 lane annaryè. Kidonk, pou bare lawout esklavaj ke grangrann nou, gran pè nou, tap sibi. Yon gwoup esklav nan mitan yo te revòlte malgre diferans ak divèjans ki tap travèse yo. Yo aksepte chita ansanm anba yon gwo pye bwa nan yon forè nan Nò peyi ya ki pote non Bwa kay Iman. Yo te reflechi ansanm sou libète ak manyè pou mennen Batay nan lespri pou debarase zile ya de sistèm esklavajis la, epi fòje yon peyi ki rele yo chèmèt, chèmètrès, kote tout moun se moun.
Nan jou ki te 3 novanm 1996 la, gwoup moun ki t p reflechi anba pye mango a, pran desizyon ale lanse nan kongo plaj nan vil Jakmèl: estrikti politik sila a te gen pou charye tout revandikasyon mas pèp la epi batize li sou non: FANMI LAVALAS. Poukisa se Fanmi Lavalas yo te rele l? Yo te fè sa nan lespri pou fè n sonje:
- Lè yon moun pale de Fanmi Lavalas sa vle di: li pale de Lafanmi, li pale de SOLIDARITE
- Lè yon moun pale de fanmi: li pale de Tèt ansanm
- Lè yon moun pale de fanmi: li pale de Men nan men
Epi sa fè n sonje ke nou se frè ak sè pou n travay nan benefis youn ak lòt pou avni fanmi yan ka pi bèl. Se lespri familyal sa a k ap ede manm fanmi yan simonte tout difikilte, rezoud tout pwoblèm.

3 Novanm 1996-3 Novanm 2009 sa fè 13 lane depi pèp ayisyen yan ap viv yon solidarite san parèy, 13 lane depi Fanmi Lavalas egziste, 13 lane depi mouvman politik sila a ranmase kòz mas pèp la, revandikasyon pèp la, kòz peyizan yo ak sila yo ki pi pòv yo, 13 lane depi kòd lonbrik pèp ayisyen an mare ak yon sèl lidè: Doktè Jean Bertrand Aristide.
Fanmi lavalas rive nan pouvwa a atravè eleksyon ki se zouti demokrasi. Tout gwoup òganize ki vle pran pouvwa a dwe respekte règ jwèt demokratik yo. Alòs, menm si zouti sa a pa twò efikas pou konbat panzouyis yo, fòk nou kontinye foubil pou n ka fè kadejakè yo ak trèt yo fè bak. Nan tout peyi sou latè, dwa politik mas pèp yo se dwa sakre. Lè l vyole fòk nou rele anmwey, epi batay pou fè respekte l.
Malgre fòs fènwa yo bay mas popilè yo koudeta 2 fwa, men sa pa t anpeche prezidan Jean Bertrand Aristide mete kanpe lekòl nasyonal, lise ak inivèsite nan tout rakwen peyi ya, sant sante, bèl lopital bati, kouran elektrik 24/24 tabli nan plizyè vil peyi ya, renovasyon legliz ak katedral pou chanje figi kèk vil, konstriksyon bèl mache piblik modèn te antreprann, kay modèn te kòmanse bati pou mas pèp la, plas piblik elatriye.
Jounen jodi a, majorite pati politik ki te mare sosis yo ak blan yo pou anpeche pwosesis demokratik la fè chimen l, ebyen yo prèske pa egziste, yo pa sanble anyen paske yo pa t genyen ni ideyoloji ni konviksyon nan demokrasi. Alòs, nan solidarite, Tèt ansanm, men nan men ak nan lanmou youn pou lòt, Fanmi Lavalas kontinye egziste epi n ap toujou egziste malgre menas, tanpèt, platfòm lajan gran rasanbleman ekip tout pou yo a ap prepare pou enfiltre baz Lavalas yo nan lespri pou fè mannèv kenbe pouvwa a nèt al kole epi anpeche doktè Jean Bertrand Aristide retounen nan peyi l.
Fanmi Lavalas, se yon fòs politik enkontounab. Nou deside ke nou pap aksepte sèvi mach-pye pou bay zòt pouvwa a ankò. Veye anwo, veye anba paske estrateji zòt se itilize moun anndan vant nou, detounen nou pou yo ka kenbe pouvwa a nèt nan eleksyon ki pral vini yo.
Pandan 13 lane, nou konnen anpil siksè, men nou konnen kèk echèk tou. Echèk nou yo sèvi nou leson, yo ban nou plis detèminasyon pou n kontinye goumen pou lidè nasyonal nou an retounen lakay li, pou vin mete plis lòd nan mouvman an pou l vin kontinye batay pou chanje move kondisyon lavi pèp ayisyen an, nan kontribisyon l pral bay, nan domèn ledikasyon, kilti, lasante, lajistis elatriye.
Plis detèminasyon tou pou Fanmi Lavalas ka retounen sou pouvwa a. Poutèt sa, nou deside epi nou deklare: nou pap prete okenn moun elektora nou an ankò, aprè pou menm moun sa yo ban nou katon wouj pou n pa patisipe nan eleksyon. bay kou bliye, pote mak sonje. jou fèy la tonbe nan dlo se pa jou a li koule. jodi 3 Novanm sa a tout pitit fanmi an montre nan yon solidarite san parèy, sa ki te pase Lenbe a pap rive Pò-mago. Si nou pa nan eleksyon pap gen eleksyon (Bis).

Dat 3 Novanm 2009 la, se dat nou relanse solidarite ki kenbe n soude youn ak lòt, devlope nouvo strateji ak taktik pou n kontinye goumen pou n defann dwa politik mas yo. Konsa, n ap antre nan planifikasyon chanjman pou mas yo, fè aplike chat Fanmi Lavalas la, epi travay pou monte nivo konsyans politik baz yo pou n ka rive atenn objektif priyoritè nou ki se retou fizik Doktè Jean Bertrand Aristide nan peyi l ak retou Fanmi Lavalas sou pouvwa a.

Tout manm ti fanmi, kowòdinasyon ki nan seksyon kominal yo, nan komin yo ak nan depatman yo, modòd la lanse:
Yon sèl reprezantan nasyonal, Doktè Jean Bertrand Aristide:
Yon sèl Lavalas: Fanmi Lavalas
Inite, Inite, Inite pou retou.
Yon sèl nou fèb, ansanm nou fò, ansanm ansanm nou se Lavalas!
3 Novanm 2009


"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net