mercredi 30 septembre 2009

JOUNEN REFLEKSYON AK MEDITASYON, BAZ FANMI LAVALAS NÒDWÈS

Konferans Pou Laprès
30 septanm 1991 -30 septanm 2009 sa fè deja 18 lane depi fòs fè nwa yo te chavire pouvwa pèp la anba yon koudeta sanglan kote plis pase 5000 frè n ak sè n te tombe anba bal ansyen lame Dayiti san manman an.

Rezistans ak entèlijans mas pèp te oblije fè kominote entènasyonal la tounen ak prezidan Aristid ke mas pèp Ayisyen te mete sou pouvwa atravè bilten vòt li.

Jou ale, jou tounen mas la bay prezidan Aristid yon dezyèm manda pou dirije nasyon an, men se nadmarinad yon lòt fwa, akò fòs anti chanjman yo ak konplisite sèten peyi nan kominote entènasyonal la chavire pou yon dezyèm fwa pouvwa pèp la pa yon koudeta/kidnapin, sa vle di nou kontinye ap konte kadav nan kan pèp la, kontinye ap viv nan kras.

Fas ak move eksperyans nou fè ak opòtinis ki te pran Fanmi Lavalas la daso pou te rive sou pouvwa a, epi patisipe nan tout konplo kont Prezidan Aristid.

Nou menm baz fanmi lavalas nòdwès deside makònen fòs pou n rive bare la wout ak zagoloray ki toujou ap manniganse pou devye lit mas pèp la

Menm si nou konnen se pa yon batay ki pral fasil paske moun sa yo gen gwo mwayen lenmi an nan menl, men nou pap mache ak sèkèy nou anba bra n pou tout moun ka viv tankou moun tout bon vre nan peyi ya.

Nou dwe degaje n kon mèt Jan Jak ak lòt baz konsekan yo ki nan rès peyi ya nan lide pou n reprann pouvwa politik la pou ideyal 16 desanm 90 la tounen tout bon vre yon reyalite.

Wi yon lòt 16 desanm 90 posib ankò nan peyi ya pou n mete an aplikasyon lide ki rasanble majorite pèp la, kise JISTIS, TRANSPARANS AK PATISIPASYON!

Viv lit mas pèp la!
Viv linite nan kan pèp la pou retou, Dr Prezidan Aristid fèt pi rapid.

YON SÈL NOU FÈB, ANSANM NOU FÒ ANSANM ANSANM NOU SE LAVALAS.

Pierre Reginald Pòt Pawòl
Tronpé Apoléon
Raphaël Apoluis
Ismaël Jean Charles





"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net

EN MEMOIRE DES NAUFRAGES DU 30 SEPTEMBRE 1991


Les 29/30 septembre 1991, les Haïtiens apôtres d’un changement radical ont vécu les pires moments de leur histoire. L’Occident prédateur, de 1492 à 2004 a tout tenté pour anéantir notre pays qui se débat pour atteindre un niveau de développement satisfaisant.
Dans le cadre de la mondialisation à outrance de la violence sanguine les puissants seigneurs de l’enfer ont commandité le coup d’Etat le plus apocalyptique que les Caraïbes aient connu.
Monnayés avec les dividendes de la drogue, de la contrebande et autres trafics illicites, les tueurs à gage de Raoul Cédras et Michel François étaient à la hauteur de ce sale besogne. Georges Bush père, aux commandes de la réaction internationale n’a pas lésiné sur les moyens pour étendre ses tentacules de déstabilisateur jusqu’aux confins de notre pays.

Dans les secrets de ces caves à tractations communément appelées Légations Etrangères ou « Ambassade », compétentes en matière de commotions politiques tout a été planifié. Au temps maudit de cette armée à vocation essentiellement répressive, un simple coup de fil suffisait pour qu’un projet de coup d’Etat soit matérialisé sur l’heure.

De 1806 à 2004 périodiquement l’Occident avide de sang et de violence a tout essayé pour retarder le processus irréversible de changement significatif auquel aspirent les couches défavorisées.
Et chacune de ces commotions, à l’instar de celle du 29 février 2004, porte la signature de la réaction internationale : Etats-Unis, France, Canada et alliés. Mais, à chaque fois, leur projet machiavélique s’est cognée à l’héroïque résistance des masses populaires aguerries aux plus atroces souffrances. E ki pa janm bay reyaksyonè legen.

Vous n’avez qu’à vous référer à la réalité d’Irak, d’Afghanistan, d’Iran, de la Palestine, du Honduras. On a évalué au rabais les martyrs de l’hécatombe de Raoul Cédras à cinq mille (5000) cadavres rien qu’en l’espace de 3 ans (1991-1994).
A date, personne ne sait combien de fillettes ont été violées. Combien de militants du mouvement populaire ont été broyés dans le crématoire de la violence institutionnalisée. Combien de dépouilles sans sépulture, œuvres de ces assassins à épaulettes revendiquent justice.
Tout ces carnages peuvent être mis à l’actif des classes dominantes elles mêmes minables relais stipendiés des grandes multinationales agents déstabilisateurs internationaux. 1991/2009, 18 longues années après, parents, familles et proches ne cessent de pleurer les martyrs de la barbarie de la soldatesque de Cédras et autres assassins du FRAPP, au service de puissants seigneurs de l’enfer.
1991/2009, 18 longues années après la réaction internationale à travers les mercenaires de la Minustha, l’oppression est présente dans tous les coins et recoins du pays. Ils font tout pour contraindre les couches des bas-fonds à se régaler de la misère infrahumaine, de cette pauvreté indigeste sur fond d’injustices révoltantes.
Leurs sicaires font tout pour que les victimes des coups d’Etat du 29/30 septembre 1991 du 29 février 2004 et autres hécatombes ne parviennent à obtenir justice et réparation. Pour preuve, combien de ces bourreaux ont été jugés pour ces crimes abominables commis sur les fils authentiques du peuple.
Les quelques assassins condamnés par suite de procès, à la faveur des diverses commotions, ont recouvert leur liberté. Ils déambulent comme si de rien était, insultant la mémoire de leurs victimes et provoquant leurs proches. En 2009 les pseudos organismes de « droits humains » sont passés dans le camp des bourreaux impitoyables.
Se yo ki gen lajan pou finanse pwojè yo. Le mutisme complice dont ils ne cessent de faire montre est assez significatif. La NCHR reconvertie en RNDDH de Pierre Désespérance, le Carli de ce Revenant d’Hédouville, le CEDH de Jean Claude Baveux et autres repères d’opportunistes sans scrupules ont fait preuve d’un cynisme spectaculaire.
Dans le cadre d’une logique d’amnésie volontaire, ils ont subitement oublié que le 11 septembre 1988, les 29 et 30 septembre 1991 et le 29 février 2004 aient vu ruisseler à flot le sang d’un rouge vif des militants Lavalas, du ciel de la violence made in International.
L’indifférence calculée des élites intermédiaires face à ces carnages suscités est motivée par un réflexe mesquin étayé par leur haine incurable pour les masses populaires. Yo se ti koulout, ti visye, ti grangou.

Les militants s’en souviennent

Plusieurs organisations proches du mouvement populaire se sont souvenues du massacre du 11 septembre 1988. En vue d’honorer la mémoire de ceux immolés sur l’autel de la violence des grands, elles se sont données rendez-vous sur les ruines encore fumantes de l’Eglise Saint Jean Bosco symbole de la barbarie des élites rétrogrades et de la résistance populaire.
L’exposition de photos est un témoignage vivant de la barbarie de l’oligarchie. Une messe en mémoire des suppliciés de Franck Romain a été chantée dans l’après midi. Sous le coup de midi, Me. Mario Joseph, directeur du Bureau des Avocats Internationaux (BAI), était l’unique panéliste.
Défenseur des Droits Humains, Me. Joseph n’est pas passé par quatre chemins pour fustiger l’attitude hautement répréhensible des autorités en place qui n’ont fait montre du moindre respect pour les lois du pays qui leur font injonction de respecter la liberté individuelle et les droits humains.
« Comment voulez vous qu’en 2009 des milliers de paisibles citoyens soient encore gardés en prison sur la base de leurs allégeances politiques ? A titre d’exemple, nous pouvons faire allusion au cas de Ronald Dauphin mis aux arrêts par des mercenaires et tortionnaires tels Guy Philippe, Ravix, Chamblain et leurs armées d’assaillants san manman », a déploré Me. Joseph.
L’intervenant a poursuivi pour expliquer les circonstances qui ont amené à l’arrestation illégale de Ronald Dauphin. Injustement incarcéré depuis mars 2004, Monsieur Dauphin continue de pourrir en tôle sans avoir été jugé. Alors en terme de respect des droits humains et des libertés individuelles, bonne note est prise pour le gouvernement Préval/Pierre-Louis.


J. Fatal Piard


"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net

APRE 18TAN, NOU PA KA TANN 4TRYEM MITAN PREZIDAN PREVAL LA


#3 2eme Rue Lavaud Lalue Port-au-Prince Haïti BP 19042
Phone : (509) 37809077 / 34352654

18tièm Anivèsè Koudeta 29 / 30 Septanm 1991

Bay kou bliye, pote mak sonje !
Bay kou bliye, pote mak sonje !
Bay kou bliye, pote mak sonje !


29/30 septanm 1991 espwa pèp ayisyen an te nwaye nan yon koudeta sanglan fòs enperyalys yo mete ansanm avèk politisyen san vègòy ak kriminèl ki te nan ansyen fòs lame dayiti te fè kont pèp ayisyen an.

Koudeta sa te fèt nan objektif pou te asasinen lidè pèp la ki se prezidan Jean-Bertrand Aristide, asasinen tout lidè kominotè yo ak tout moun ki pa kwè nan koudeta, nan asasinay, nan kidnapin nan destabilizasyon.

Pou koudetayis yo, kriminèl nasyonal tankou entènasyonal te rapousib objektif yo, yo mete kanpe yon òganisasyon eskadwon lanmò ki te rele FRAPH. Òganisasyon kriminèl, malfektè sa te dirije pa Emmanuel Toto Constant, nan menm kad pou kriminèl yo kontinye rapousib objektif yo, yo voye nan peyi tèt san chapo plis pase 25 mil kretyen vivan ak zam yo.

Plis pase 15 mil lè zòt te tounen manje reken nan kouri pou machin lanmò koudeta 30 septanm 91 yo. Anpil malere, malerèz ak peyizan te pèdi kay yo nan dife kriminèl, e kriminèl yo te fè anpil vyòl ak kadejak sou jenn ti fiyèt ak fanm koudeta sa a te kite anpil pitit san papa, anpil madanm san mari.

Avèk rezistans pèp la, lòd konstitisyonèl te retabli avèk retou fizik Prezidan Jean-Bertrand Aristide, malgre retou a te fèt, kriminèl yo pat chome, fòs enperyalis yo ak politisyen rat do kale yo, te monte anpil konplo. Yo te simaye zam nan tout kat kwen peyi a pou yo te destabilize pouvwa pèp la te mete sou pye nan lane 2001.

Yo fè 3 lane yap asasinen pitit pèp la, sivil tankou polisye te pèdi lavi yo anba bal, malgre sa pèp la te kanpe fèm kont yon lòt koudeta malerezman triyo enperyalis lan ki gen ladan l, etazini, kanada ak lafrans te rive fè yon lòt koudeta kont pèp la 29 fevriye 2004.

Touswit triyo enperyalis te mete yon gouvènman defakto sou pye ki tap dirije pa Boniface Alexandre et Gerard Latortue. gouvènman sa a tap travay anba sipèvisyon fòs okipan yo. Pandan 2 lane rejim defakto sa a ak fòs okipan yo, yo te fè pi mal pase rejim Sedras la. malgre sa pèp la te mobilize pou mande retou lòd konstitisyonèl ak retou fizik prezidan Jean-Bertrand Aristide.

Sou san pèp la fòs okipasyon an òganize eleksyon pèp la ale nan eleksyon yo chwazi prezidan Preval ki avèk konplisite koudetayis yo, GNBIS yo, ak fòs okipan yo, yo kontinye machin koudeta ; nan :
a) divize tout òganizasyon konsekan yo kenbe lidè pèp la prezidan Jean-Bertrand Aristide nan kanpe lwen pandan pèp la ap mande retou fizik li.
b) fè anlèvman politik sou Lovinsky Pierre Antoine, paske lap mande retou fizik prezidan Jean-Bertrand Aristide ak depa fòs okipasyon an
c) kenbe pèp la nan mizè pitit li pakab manje, pakab al lekòl
d) vyole tout dwa fondalnatal ke pèp ayisyen an genyen
f) defann enterè fòs okipasyon an olye yo travay pou mete peyi a sou ray devlopman.

Pèp ayisyen, si nou rete ap gade gouvènman Preval/Pierre Louis a nan je, l ap kenbe Prezidan Jean-Bertrand Aristide an egzil menm jan kriminèl fransè yo te fè Toussaint Louverture. Si nap tann 4eme mitan gouvènman sa ap kidnape tout tèt depon konsekan menm jan li kidnape Louvinsky pierre Antoine, lap kenbe nou nan mizè pou pitit nou pa rive gen menm chans ak pitit yo.

Fondasyon 30 septanm di pèp ayisyen an pou li sòti nan kontinite koudeta a, fòk li pa rete ap tann 4eme mitan nan men prezidan Preval, pou frennen laboratwa fòk nou mobilize san pran souf, fòk nou mete tèt nou ansanm fòk nou mete enterè pèsonèl yo dekote.

Prezidan Preval Fondasyon 30 septanm di w kòm ou se yon viktim koudeta 91 yo, ou repare 2 fwa, lòt viktim yo bezwen jistis ak reparasyon. Prezidan Preval sispann ankouraje enpinite.

Prezidan Preval ; Guy Malary, Georges ak Antoine Izmery , Claudy Miseau, jean Mary Vincent, Ti Jean Pierre Louis, Jean Leopold Dominique ak Jean Claude Louissaint, Jean Lamy, viktim koudeta 91 yo ak viktim koudeta 29 fevriye 2004 yo mande w jistis ak reparasyon ou twò engra Prezidan.


Prezidan Preval Fondasyon 30 Septanm, fanmi, zanmi ak patizan Lovinsky Pierre Antoine priye w an gras pou w libere prese prese e san kondisyon Lovinsky Prezidan ou twò kriminèl.

Prezidan pèp la te vote w pou retou fizik Prezidan Jean-Bertrand Aristide e pèp la mande w retou fizik la ou pa bali l men prezidan memwa w twò kout ou twò sanwont ou twò manfouben.

Prezidan pou gen yon bòn gouvènans fòk pa gen pèsekisyon politik, fòk pa gen kidnapin, fòk pa gen anlèvman politik, fòk pa gen egzile politik, fòk pa gen enpinite, fòk pa gen kòripsyon, fòk pa gen okipasyon.

Viv liberasyon Lovinsky Pierre Antoine
Viv retou fizik Prezidan Jean-Bertrand Aristide
Viv jistis Sosyal
Viv yon eta de dwa
Viv yon jistis san fòs kote


Wilson Mesilien
Kòdonatè nasyonal AI Fondasyon Trant Septanm
Fatal Piard


"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net

BAY KOU BLIYE POTE MAK SONJE! BAY KOU BLIYE POTE MAK SONJE!


30 Sektanm 1991, 30 sektanm 2009 sa fè 18 lane depi fòs fè nwa, san fwa ni lwa, maspinen, krabinen, sasinen 7 a 8 mil pitit peyi ya. Nan tout rakwen peyi Dayiti sete kadav sou kadav. Kochon te menM ap manje kadav moun nan site Solèy. Jouk jounen jodi ya : « l’enquête se poursuit ». Pèp ayisyen an bouke mande jistis ak reparasyon, lajistis menm pito mete plon nan zòrèy li pou l pa tande.

Nan lokazyon 30 sektanm kap vini la, nap koube nou byen ba devan tout paran viktim san nou pa bliye sa ki estwopye nan koudeta 91 la. Nap swete yo kouraj e nap di yo : Batay la fenk kòmanse paske pèp vanyan pa janm pèdi batay.

Nan sans sa a nap mande pou tout moun ki kwè nan lapè, tout moun ki kwè nan respè dwa moun, tout moun ki kwè nan respè desizyon pèp, tout moun ki kwè nan linite, pou kore tout aktivite pasifik kap fèt nan lokazyon an pou make jou sa. Se pou tèt sa nap kore san gade dèyè gwo aktivite pasifik baz yo ap fè nan Site Solèy jou kap 30 sektanm 2009 la. Nap pwofite mande tout kanmarad baz yo pou pa bliye lòt kòkenn chenn aktivite ki prevwa pou jounen 17 oktòb la ki se dat lanmò Papa Desalin. Nap fè sonje Lanperè a te pèdi lavi li nan menm kalite zatrap panzouyis tout plim tout plimay ki toujou kanpe an kwa sou chimen liberasyon pèp la.

Nan dat 17 oktòb 2009 la Baz yo pral kontinye reflechi sou enpòtans tèt ansanm nan, nan mitan manm òganizasyon Fanmi Lavalas ki se zouti ki pote pi wo revandikasyon mas yo, revandikasyon tout pèp ayisyen an. Nan lapre midi Nap envite tout moun ki pa dakò ak konplo, kit se konplo pou sazinen pitit peyi ya kit se konplo pou voye pitit peyi ya nan kanpe lwen tankou yo te fè li sou Prezidan Aristid, pou vin chante ansanm : Pou ayiti nan non zansèt yo se poun mache men nan lamen ! Aktivite sa a ap fèt nan kalfou kote Delma 16 kontre ak delma 12 la vè 5 kè nan apre midi.

Se pral lokazyon tou pou tout manm òganizasyon Fanmi Lavalas ki dakò ak prensip, ki dakò ak respè manman lwa òganizasyon an, ki dakò pou chante, danse dans tèt ansanm nan monte TREN Fammi Lavalas la kap fè eskal nan zòn sa a. Tren sa ki se Tren Lavi, Tren youn renmen lòt, Tren jistis ak Pataj, déjà gen ladanl tout moun ki respekte lavi, tout moun ki renmen moun, tout moun ki vle yon ayiti san eksklizyon kap taye banda sou chemen liberasyon zansèt yo te trase ya. Viv inite nan kan pèp la, viv lespri tèt ansanm nan ki se limyè kap klere manm Fanmi yan sou chimen viktwa sou tout fòs fè nwa.

Yon sèl nou fèb, ansanm nou fò, ansanm ansanm nou se Lavalas.



"Yon sèl nou fèb, ansanm nou fò, ansanm, ansanm nou se Lavalas".
P.O.BOX 2252 Fort Pierce, Florida 34954
954-670-9209
www.fanmilavalas.net